01/05/09 Terrora Qurban Olanlar

Məncə, bunun üçün uzun-uzadı izhatlara ehtiyac yoxdur. Qısaca olaraq faciənin nə qədər ağır olduğunu dərk etmək üçün bir məqama diqqəti yönəltmək kifayətdir. Hörmətli məmurlarımız, özünüzü bir anlıq həmin validyenlərin yerində təsəvvür edin. Təsəvvür edin ki, səhər hər şeydən, bəlkə də Vətənimizdən də çox sevdiyiniz əzizi-xələflərinizi məktəbə yola salırsınız və üstündən iki saat keçməmiş ölüm xəbərini alırsınız. 

Allah uzaq eləsin. Bir valideyn olaraq mən belə bir şeyi nə sizə nə də düşmənlərimizə arzulayıram. Amma bu faktdır ki, Azərbaycanın ən iri təhsil müəssisəlirndən birinə günün günortaçağı əli silahlı bir və ya bir neçə şəxs daxil olur və çox sərbəst şəkildə qarşısına çıxın hər kəsi qanına qəltan edir. Heç kəs də bunun qarşısını ala bilmir. Yalnız başqa şeylərdə çevik olan polislərimiz isə iş-işdən keçəndən sonra, qatilin bəlkədə etdiyi əməlin nə qədər ağır olduğunu yerə uzatdığı meyitləri və yerdə çapalayan qurbanlarını sayandan sonra dərk edib, ömürlük həbsxanada yatacağını və ya əməlinin motivini izah edənə qədər dərisinin soyulacağından qorxaraq öz təpəsinə güllə çaxandan sonra hadisəyə müdaxilə edir. 

Beləliklə də nə siz məmurlarımız, nə də biz vətəndaşlar hadisənin moitvindən xəbədar oluruq. Yalnız uzun-uzadı siyasi müzakirələrdən sonra nəyin uydurulacağını gözləyirik. Sözüm onda deyil, sözüm ondadır ki, bu hadisə Azərbaycanda insan həyatının nəinki terrorçulardan, heç sizdən də sığortalanmadığını, bu hadisə vətəndaşların təhlükəsizliyinin məsuliyyətini daşıyanların nə qədər məsuliyyətsiz oldğunu göstərdi. 

Tələbələr terrorun qurbanı oldu. Bunun üçün doğru-yalan bir şeylər uydurulacaq. Bəlkə də cinayətkar əlini-qolunu sallayıb Bakı küçələrində rahzatca gəzib, növbəti qurban axtarışında olarkən hansısa bədbəxtin dərisini soyub cinayətin sifarişçisi olduğu boynuna yuklənəcək. Axı bizdə adətən belə olur. Cinayətlər faktlarla deyil, işgəncələrlə, dəyənklərlə və şampan “butulka”ları ilə “açılır”.  

Sözüm heç bunda da deyil. Bu da sizin fərasətinizdi. Sözümün canı odur ki, bu hadisələr hər hesabat dövründə Azərbaycanda kriminogen durumun sabitliyi barədə deyilənlərin yalnız muzdulu jurnalistlər tərəfindən yazlımış və sizin tərəfinizdən səsləndirilən heç bir fakta söykənməyən boş sözlər olduğunu göstərdi. 

Bu, həm də bir daha onu təsdiqlədi ki, “Təhlükəsiz şəhər” adı ilə külli miqdarda vəsait xərcləyib küçələrə quraşdırılan kameralar, guya ki, cinayətlərin üstünün çevik olaraq açılmasına, əslində isə yol polislərinin Sizlərin cibini doldurmasına xidmət edir. 

Vətəndaşların təhlükəsizliyi isə Sizi qətiyyən naraht etmir. Sizi özünüz, yaxınlarınız və mülkləriniz düşündürür. Villalarınızın ətrafından tutmuş, hərəkət etdiyiniz marşruta qədər kamera düzmüsüz. Amma bu boyda təhsil müəssisələrinin, səhiyyə ocaqlarının birində də bir kamera yerləşdirilməyib. Niyə? 

Bu sualın cavabını mən verməli olsaydım, deyərdim ki, Sizin üçün bu dövlətin təbii sərvətləri kimi, vətəndaşları da gəlir mənbəyidir. Onların həyatının təhlükəsizliyi isə Sizi düşündürmür. Əgər düşündürsəydi minlərlə tələbənin küçələrə axışıb terror qurbanı olmuş dostlarının xatirsinə matəm elan olunması tələbinə ehtiyac olmazdı. 

Amma təəssüf ki, mən bu suala cavab vermək iqtidarında deyiləm. 

Amma Sizə tövsiyə edirdim ki, gəlirlərinizin azalmaması üçün heç olmazsa gəlir mənbələrinizi qoruyun. Yoxsa dünyanı büryüyən iqtisadi böhrandan necə çıxarsınız?! Düşünürsünüz ki, məmur maaşınız əzizi-xələflərinizin gündə bir müğğənni ilə mazaqlaşmasının müqabilində onlara yeni model avtomobillər, villalar hədiyyə etməsinə bəs eləyər?! Məncə yox. Ona görə də gəlir mənbələrinizi qopruyun ki, əzizi-xələfləriniz korluq çəkməsinlər. 

Əgər mənim fikirlərimlə razı deyilsnizsə, o zaman izah eləyin, ölkədə onlarla ailəni yasa bürüyən faciə baş verib, amma bir günlük də olsun matəm elan olunmur. Əksinə, nəzarətinizdə olan televiziyalar, radiolar şou proqramlarına yeni çalarlar qatırlar. Faciə qurbanlarının ruhuna hörmətsizlik edilir. Niyə?