Ria.Az | Reporter İnformation Agency: 26/06/10 ARDNŞ Bakı buxtasında ekoloji monitorinq keçirib

26/06/10 ARDNŞ Bakı buxtasında ekoloji monitorinq keçirib
================================================================================
Baş Redaktor on 26/06/2010
 
ARDNŞ-dan RİA-ya verilən məlumata görə, monitorinq zamanı seçilmiş
stansiyalardan dib çöküntüləri, müxtəlif dərinliklərdən su
nümunələri götürülüb, eləcə də həmin stansiyaların radiasiya fonu
ölçülüb. Götürülmüş nümunələr fiziki-kimyəvi, hidroloji və bioloji
cəhətdən tədqiq olunmaq üçün İdarənin Kompleks Tədqiqatlar
Laboratoriyasına verilib. Aparılan tədqiqatlar nəticəsində Bakı
buxtasında çirkləndirici maddələrin – neftin, neft məhsullarının,
fenolların qatılıqları, biogen elementlərin miqdarı, ağır metallar,
fitoplanktonlar, zoobentos və mikroorqanizmlər, poliaromatik karbohidrogenlər
və səthi aktiv maddələrin miqdarı müəyyən olunacaq. Alınmış
nəticələr əsasında buxtanın təmizlənməsi üçün yeni tövsiyələr
hazırlanacaq.
Qeyd edək ki, ARDNŞ-ın Ekologiya İdarəsi tərəfindən Abşeron
yarımadasının bütün sahil zolağı boyunca bu cür monitorinq işlərinin
aparılması nəzərdə tutulub.
Ria.Az