Ria.Az | Reporter İnformation Agency: 11/06/10 Azərbaycana ABŞ-dan məşqçilər gəlir

11/06/10 Azərbaycana ABŞ-dan məşqçilər gəlir
================================================================================
Baş Redaktor on 11/06/2010
 
ABŞ Azərbaycandakı səfirliyindən RİA-ya verilən məlumata görə,
amerikalı məşqçilər Azərbaycan Futbol Federasiyaları Assosiasiyası
(AFFA) ilə məsləhətləşmələr də aparacaq. Səfərin məqsədi
Azərbaycanlı gənclər və məşqçilərlə onların futbol və məşq
bacarıqlarının artırılması istiqamətində işləmək, sağlam həyat
üçün ideyaları bölüşmək və idmanı təhsilin vacibliyini vurğulayan
yaxşı balanslaşdırrılmış həyat kontekstinə daxil etməkdir.
1999-cu ilin qadınlar arasında keçirilən Dünya Kubonun qalibi Sindi Parlou
və Premyer Liqanın keçmiş məşqçisi Jon Koun peşəkar səviyyədə futbol
oynayıblar və gənclər yetişdirən təcrübəli məşqçilərdir.
Futbol nümayəndələrinin səfəri Amerikanın Bakıdakı səfirliyi, Dövlət
Departamentinin Təhsil və Mədəniyyət Məsələləri üzrə Bürosu və
Birləşmiş İdman Mərkəzinin AFFA və Gənclər və İdman Nazirliyinin
bölgə rəsmilərinin dəstəyi ilə həyata keçiriləcək.
Amerikalı cütlük iyun ayının 13-də Mərdəkanın Qala ərazisində
oğlanlar və qızlar üçün futbol sahəsində təcrübənin artırılmasına
dair xüsusi məşqlər keçirəcək. İştirakçılara Qalada ABŞ-ın
Müdafiə Əməkdaşlığı Ofisinin dəstəyi ilə tikilmiş məktəbin
şagirdləri və qaçqın icmalardan olan şagird və müəllimlər də
qoşulacaq. Onlar 14-15 iyunda Bakıda AFFA rəsmiləri, o cümlədən baş
katib Elxan Məmmədovla görüşəcək, qızlar və gənc liqalar,
məktəblərdən 20 gənc məşqçi üçün futbol sahəsində təcrübənin
artırılmasına dair xüsusi məşqlər keçirəcək. 16-18 iyunda futbol
nümayəndələri bölgələrə, o cümlədən Şamaxı, Xaçmaz və Qubaya
səfərlər edəcək və orada oğlan və qızlardan ibarət qarışıq
qruplardan təxminən 220 gənc üçün xüsusi məşqlər təşkil etməyə
müvəffəq olacaqlar.
Ria.Az