Ria.Az | Reporter İnformation Agency: 09/11/09 Azərbaycanda yağmurlu hava şəraiti bir neçə gün davam edəcək

09/11/09 Azərbaycanda yağmurlu hava şəraiti bir neçə gün davam edəcək
================================================================================
Baş Redaktor on 09/11/2009
 
Ekologiya və Təbii Sərvətlər Nazirliyinin Milli Hidrometeorologiya
Departamentinin Hidrometeoroloji Proqnozlar Bürosundan məlumat verilib.
Məlumata görə, sabah cənub-şərq küləyi əsəcək, havanın temperaturu
gecə 10-13 dərəcə, gündüz 13-15 dərəcə isti olacaq. Noyabrın 11-də
havanın dəyişkən buludlu olacağı, arabir tutulacağı, əsasən yağmursuz
keçəcəyi gözlənilir. Cənub-şərq küləyi əsəcək, havanın temperaturu
gecə 10-12 dərəcə, gündüz 14-16 dərəcə isti olacaq. Noyabrın 12-də
havanın buludlu olacağı, arabir açılacağı, gün ərzində əsasən
yağmursuz keçəcəyi gözlənilir. Cənub-şərq küləyi əsəcək, havanın
temperaturu gecə 10-12 dərəcə, gündüz 14-16 dərəcə isti olacaq.
Azərbaycanın rayonlarında, əsasən də şərq rayonlarında noyabrın 10-da
arabir yağış yağacağı gözlənilir. Səhər ayrı-ayrı yerlərdə duman
olacaq, şərq küləyi əsəcək. Havanın temperaturu gecə 10-14 dərəcə,
gündüz 16-20 dərəcə, dağlarda gecə 2-5 dərəcə, gündüz 9-14 dərəcə
isti olacaq. Noyabrın 11-12-də hava əsasən yağmursuz keçəcək, gecə və
səhər bəzi yerlədə duman, zəif çiskin olacaq, şərq küləyi əsəcək.
Havanın temperaturu gecə 10-14 dərəcə, gündüz 15-20 dərəcə, dağlarda
gecə 3-5 dərəcə, gündüz 10-14 dərəcə isti olacaq.
Tibbi-meteoroloji proqnoza əsasən, yaxın günlərdə Abşeron yarımadasında
meteoroloji amillərin zəif və mülayim tərəddüdləri meteohəssas insanlar
üçün əsasən əlverişlidir.
Ria.Az