Ria.Az | Reporter İnformation Agency: 02/09/09 Vahid Mustafayev: "Özümü yaxşı hiss edirəm”

02/09/09 Vahid Mustafayev: "Özümü yaxşı hiss edirəm”
================================================================================
Oruc Mustafayev on 02/09/2009
 
"Hazırda Mərkəzi Kliniki Xəstəxanada həkim nəzarətindəyəm. Bu gün
tikişlərim də söküldü. Özümü lap yaxşı hiss edirəm. İnşallah,
tezliklə iş başında olacam” , – deyə V. Mustafayev qeyd edib.
Xatırladaq ki, avqustun 30-da ANS Şirkətlər Qrupunun əməkdaşları yol
qəzasına düşüblər. Hadisə Hacıqabul rayonunun Nəvahi kəndi
ərazisində baş verib. Şəki şəhərində Milli Qəhrəman Çingiz
Mustafayevin xatirəsinə həsr olunmuş konsertdən Bakıya qayıdan
“Volkswagen” markalı mikroavtobusun qabaq təkəri partlayıb. Nəticədə
avtomobil bir neçə dəfə aşıb.
Avtomobildə sürücüdən başqa, ANS Şirkətlər Qrupunun prezidenti Vahid
Mustafayev, Şirkətlər Qrupunun prezidentinin mətbuat məsələləri üzrə
müşaviri Mais Məmmədov, şirkətin əməkdaşı Yuri Stepanoviç Qolosilkin,
ANS-in nəzdində fəaliyyət göstərən Nara Moda Evinin direktoru Renara
Şəmsiyeva olub. Qəza nəticəsində xəsarət alan V. Mustafayev Mərkəzi
Klinik Xəstəxanaya çatdırılaraq əməliyyat olunub.
Ria.Az